کتاب فیقدان آتی

بیزیم بوناغیلین آتی، قیرآت ایله دورآت کیمی، نسبی دنیزه چاتاراق، بیر توکلو و سئویملی دایچادیر، آت نمادینین خئیر اوزودور. بوندان قاباق قئید ائتدیییمیز کیمی ملیک جوشموشوده آنالیق ائدیر، یولداشلیق ائدیر… بیر نئچه وئر سیوندادا بویویوب بیر قارا آتادونندن سونرا، ناغیلین سون لاریندا گلیب ننه لییی، ایاق لاری آلتینا سالی اولدورور. ناغیل لار شعر کیمی چو خو آلت شعوردان، غریزه دن، تخیل دن، متأثر اولاراق، پیلان سیزجا یازیلمیش لارسا دا، دیقت سیز، بیرطرفلی، دار گوز، یاخود تک آنلاملی دئییل لر. آرخالاریندا بویوک تجربه لروار. فولکلور ادبیاتی، بئجئیره چای داش لارینا بنزه دیلمه میش؛ چای داش لاری اوزون زامان لار ایچره هامارلاشیر لار. بوندان قاباق بوناغیلدان چوخ فرقیلی یوروم لاریمیز اولموشدو. اوتلارین هربیریسی بو ناغیلین بیرقاتی دیر. هربیری بیرزولاق کیمی ناغیلین ائنینه، بویونا اوزاناراق، اوبیری زولاق لاری که رک اوز آنلامینی قازانیر؛ بیرسوزله، هر بیرینین وارلیغی اونملی دیر. باخین کئچمیش لرده اولدوغو تک بو گون لر ده راوی لر وار، ادیتور لاروار، اوزلرینی عاغیللی بیلدیک لریندن، بوزولاق لارین بیر نئچه سینی پوزوب، یئرلرینه اوز عاغیللیجا سوزلریندن یازیرلار. دها دوغروسو ناغیلدان بیر قوللوقچو چیخار تماق اوچون، اونو باجاریقجا بسیط، بیر اوزلو، بیر بویالی، بیر ناخیشلی ائدیرلر. اونلارین او ال لری تو خوندوغو ناغیل ایسه قوللوقچو اولماقدان آرتیق، یارار سیز بیر شئیه دونور.